Gure ustez, gutako bakoitzaren, herritarren, jarrera-aldaketa da aldaketa sozialaren gakoa, eta iparraldearen eta hegoaldearen arteko arrakala murriztea eta/edo kentzea. Bidezko merkataritza kontsumo arduratsua eta kritikoa sustatzen duen ekimena da. Sentsibilizazioa salmenta-jarduerekin batera doan elementua da, edo, espezifikoki, hitzaldien, jardueren, prestakuntza-ikastaroen edo material idatzien bidez.
- Elkartasunezko ekitaldi eta azoketan parte hartzea
- Hitzaldiak, tailerrak eta jarduerak ikastetxeetan, unibertsitateetan eta kolektiboetan
- Kontsumo arduratsuari eta bidezko merkataritzari buruzko kontzientziazio-kanpainak
Eduka Kidenda
Hezkuntza formalerako hezkuntza-materialak eta -baliabideak eskaini nahi dituen gunea da Eduka kidenda, baina baita informala ere. Eskola-curriculumean txerta daitezkeen tresnak eta edukiak emateko asmoz sortu zen, gaitasunen eta trebetasunen araberako ikaskuntzarako.
Desberdintasunaren eta pobreziaren errealitatearen irakurketa kritikoa eginez, Kidendak, bidezko merkataritzaren eta kontsumo arduratsuaren mugimendutik, gizonen eta emakumeen eskubideak eta ingurumenaren zaintza errespetatuko dituzten alternatiba jasangarriak eman nahi ditu.
